santeyalle nintarunu - Krishnan love story

ಚಿತ್ರ: ಕೃಷ್ಣನ್ ಲವ್ ಸ್ಟೋರಿ
ಗಾಯನ: ಸೋನು ನಿಗಮ್, ಲಕ್ಷ್ಮಿ
ನಟರು: ಅಜಯ್, ರಾಧಿಕ ಪಂಡಿತ್

ಸಂತೆಯಲ್ಲೆ ನಿಂತರೂನು ನೋಡು ನೀನು ನನ್ನನೆ
ನಾನು ಮಾತ್ರ ಕೇಳುವಂತೆ ಕೂಗು ನೀನು ನನ್ನನೆ
ಕಣ್ಣ ಕಟ್ಟಿ ಬಿಟ್ಟರೂನು ಈಗ ನಾನು ಕಾಣಬಲ್ಲೆ ನಿನ್ನನೆ ಸೇರಬಲ್ಲೆ ನಿನ್ನನೆ
ನಾನು ಮಾತ್ರ ಬಲ್ಲೆ ನಿನ್ನನೆ

ಲ ಲ ಲ ....

ಹೃದಯವೆ ಬಯಸಿದೆ ನಿನ್ನನೆ
ತೆರೆಯುತ ಕನಸಿನ ಕಣ್ಣನೆ
ದಿನವಿಡೀ ನಿನ್ನಯ ನೆನಪಲೆ ಬೇಯುವೆ
ಸೆಳೆತಕೆ ಸೋಲುತ ನಾ ಸನಿಹಕೆ ಕಾಯುವೆ

ಜೀವಗಳ ಭಾಷೆಯಿದು ಬೇಕೆ ಅನುವಾದ
ಭಾವಗಳ ದೋಚುವುದು ಚೆಂದ ಅಪರಾಧ
ಯಾರಿಗೂ ಹೇಳದ ಮಾಹಿತಿ ನೀಡು
ಖಾತರಿ ಇದ್ದರು ಕಾಯಿಸಿ ನೋಡು
ನಿನ್ನಿಂದ ನನ್ನ ನೀನೆ ಕಾಪಾಡು.....ಹೃದಯವೆ....

ಕಣ್ಣಿನಲೆ ದಾರಿಯಿದೆ ನನ್ನ ಸಲುವಾಗಿ
ಮೆಲ್ಲಗೆನೆ ಕೈಯ ಹಿಡಿ ಇನ್ನು ಬಲವಾಗಿ
ನನ್ನಯ ತೋಳಲಿ ನೀನಿರೆ ಇಂದು
ಸಾವಿಗೂ ಹೇಳುವೆ ನಾಳೆ ಬಾ ಎಂದು
ಆಗಲೇ ಬೇಡ ದೂರ ಎಂದೆಂದೂ....ಹೃದಯವೆ....

Naanu eega naanena - Gaana bajaana

ಚಿತ್ರ: ಗಾನ ಬಜಾನ
ಗಾಯನ: ಕಾರ್ತಿಕ್
ನಟರು: ತರುಣ್, ರಾಧಿಕ ಪಂಡಿತ್, ದಿಲೀಪ್ ರಾಜ್

ನಾನು ಈಗ ನಾನೇನ ನನಗೆ ಏಕೋ ಅನುಮಾನ
ಕುಣಿಬೇಡ ಹೀಗೆ ಓ ಪ್ರಾಣ ಇರು ಇರು ಜೋಪಾನ
ಚೋರಿ ಚೋರಿ ಚುಪ್ ಚುಪ್ಕೆ ಕನಸಲ್ಲಿ ಬಂದು ಕಾಡೊಳು
ಇಂದು ಕಣ್ ಮುಂದೆ ತಾನೇ ಬಂದು ನಿಂತಳು
ಬಂದಳೀಗ ನನ್ನೊಳಗೆ ಎದೆ ಮೇಲೆ ಇಟ್ಟು ಅಂಗಾಲು
ನುಂಗಿದ ಹಾಗೆ ಇರುಳನು ಬಂದು ಹಗಲು.......

ಅಪ್ಸರೆ ಈ ಅಪ್ಸರೆ ಜೊತೆಯಾದರೆ ಬದುಕೆಂತ ಚೆಂದ
ಆದರೆ ಹಾಗಾದರೆ ನನ ಬಾಳಿಗೆ ಬಳಿ ಬಂತೆ ಬಣ್ಣ
ದೇವರೇ ಎದುರಾದರೆ ವರ ಕೇಳಲು ಉಳಿದಿಲ್ಲ ಇನ್ನ
ಈ ನಿನ್ನ ಅಂಗೈಲಿ ರೇಖೆ ಆದರು
ಶುರುವಾಯ್ತು ಈಗ ನನಗಾಸೆ
ಓ.....ಓ......

ಮೋಹಕ ತುಸು ಮಾದಕ ನಿನ್ನ ನಗುವಿಗೆ ಬೆರಗಾದೆ ನಾನು
ರೋಚಕ ರೋಮಾಂಚಕ ಕುಡಿ ನೋಟಕೆ ಕೊನೆಯಾದೆ ನಾನು
ಸೇವಕ ನಿನ್ನ ಸೇವಕ ನಾನಾಗುವೆ ವಿಧಿಯಿಲ್ಲ ಇನ್ನು
ಸೋಲಲ್ಲೂ ನಾ ಕಂಡೆ ಎಂತಹ ಸುಖ
ಗೆಲುವೇಕೆ ಬೇಕು ನನಗಿನ್ನು.........

ನಾನು ಈಗ ನಾನೇನ......